პროექტებით სწავლება

პროექტი: "ხიდები და ასროლილი ქვები"
https://nnabakhteveli.blogspot.com/

ტრენინგი: პროექტებით სწავლება

გავეცანით პროექტებით სწავლების კურსის შინაარსს, ამ კურსის სახელმძღვანელოს სტრუქტურასა და შინაარსს, ზოგიერთ დამხმარე რესურსს. შევქმენით პორტფოლიო, სადაც გადმოვიწერეთ პროექტებით სწავლებისათვის საჭირო მასალები სახელმძღვანელოდან, კერძოდ:  21-ე საუკუნის უნარ-ჩვევები, პორტფოლიოს ჩეკლისტი, რუბრიკების პორტფოლიო, პროექტების გეგმები და პროექტის გეგმის შაბლონი.
დავარეგისტრირე ეს ბლოგი, სადაც ეხლა ვწერ დღევანდელი დღის რეფლექსიას. 

• პირველ რიგში დავაკომენტარეთ ერთმანეთის პირველი დღის რეფლექსიები.
• მერე ჩვენ-ჩვენი პროექტების გეგმები შევიმუშავეთ და გავაცანით ჯგუფის წევრებს. (აღმოჩნდა, რომ საკმაოდ საინტერესო ჩანაფიქრები გვქონია.) 
• გავეცანით პროექტის მახასიათებლების ჩეკლისტს.
• დავათვალიერეთ ბუკლეტების შაბლონები და დავიწყეთ მუშაობა მშობლის ბუკლეტზე.
• არჩეული პროექტის შესაბამისად ჩემს ბლოგს შევუცვალე ფონი, რომელიც  პირდაპირ არ პასუხობს თემას, მაგრამ მე მომეწონა.
• .კიდევ რაღაცეები გავაკეთეთ და მივიღეთ დავალება (რაც მაინცდამაინც არ უყვართ ჩემს მოსწავლეებს :) ვნახოთ, მე როგორ მომეწონება) :                                                          1. უნდა წავიკითხო პირველი მოდული სახელმძღვანელოდან;                                        2.  ჩემი ბუკლეტი  გავხადო სრულყოფილი;                                                                         3.   დავაკომენტაროთ ერთმანეთის ბლოგები

დღევანდელი დღე კიდევ უფრო საინტერესო გამოდგა:

•  კიდევ ერთხელ გადავხედეთ ეროვნულ სასწავლო გეგმას, კერძოდ მათემატიკის მე-7 კლასის სტანდარტს, გადმოვიწერე ჩემს საქაღალდეში და ამოვიწერე ის შედეგები და ინდიკატორები, რომლებზეც, სავარაუდოდ, გავალთ მე და ჩემი მოსწავლეები ჩემი პროექტის განხორციელებისას.
• ამის შემდგომ ვიმსჯელეთ მიმართულების მიმცემ საკვანძო კითხვებზე, განვიხილეთ მაგალითები, თავადაც გავივარჯიშეთ წყვილებში ანალოგიური კითხვების შედგენაზე.
• მერე უკვე დამოუკიდებლად მომიწია ჩემი პროექტის მიმართულების მიმცემი კითხვების შემუშავებამ, რომლებიც ასე გამოიყურება:

ზოგადი კითხვა	რა არის ინფორმაცია?
თემატური კითხვები	რომელ ელექტრონულ ლექსიკონებს იცნობთ?
შინაარსობრივი            კითხვები	რაში გამოგვადგება მათემატიკური ლექსიკონი? რომელ  გეომეტრიულ ფიგურებს იცნობთ? რომელ ცნობილ მათემატიკოსებს იცნობთ? რა არის განტოლება?

•  ძვირფასო კოლეგებო, გთხოვთ, გაეცნოთ, თუ რა თქმა უნდა, არ შეწუხდებით და თქვენი რეკომენდაციები დამიკომენტაროთ. ამით მეტად დამეხმარებით. წინასწარ გმადლობთ.

დღევანელი დღე ისევე დატვირთული იყო, როგორც სხვები, მაგრამ გაცილებით საინტერესო: თითქოსდა ვერთობით, მაგრამ მეტად საჭირო და საინტერესო სამუშაო ჩავატარეთ: ჩემი პროექტის პრეზენტაცია გავაკეთე "power-point "-ში,და ეს პრეზენტაცია ავტვირთე ბლოგზე. ( შეგიძლიათ იხილოთ :))
პროექტის გეგმაში შევქმენი შეფასების დროის ჩარჩო, შეფასების ინსტრუმენტების მოკლე მონახაზი, რაც აისახა ჩემს პრეზენტაციაში.

დღეს გავეცანით სახელმძღვანელოს მესამე მოდულის თეორიულ მასალას, კერძოდ- "საავტორო უფლებების ქაოსს",  წყაროს ციტირების შესაძლებლობებს, ინტერნეტის, კერძოდ კი  მულტიმედიური ინტერნეტრესურსის გამოყენებას კვლევისათვის.

 მოვიძიეთ youtub-ze ვიდეო-მასალა, რომელიც შეიძლება გამოგვადგეს პროექტზე მუშაობის პროცესში, და დავდე  ჩემს ბლოგზე. ამავე დროს ამ ვიდეოების ლინკები და სავარაუდო გამოყენება მოვინიშნე "გამოყენებული ლიტერატურის" ფაილში.

 gmail-ში  "ვიჩათავეთ"  ერთმანეთთან და ტრენერთან. აქვე დავიმატე ჩვენი ჯგუფის ის წევრები, რომლებიც ჯერ არ მყავდა მაილ-ზე დამატებული.

ბოლოს, ჩვენთვის, მასწავლებლებისთვის ყველაზე საჭირო როლი მოვირგეთ და მოსწავლის სავარაუდო ნაშრომები შევქმენით. ( მინდა გითხრათ, საკმაოდ შრომატევადი საქმეა).

დავასრულე მოსწავლის სავარაუდო ნაშრომი, ავტვირთე ბლოგზე.
ვისწავლეთ  ბლოგზე ინფორმაციული ელემენტების დამატება: სტატისტიკის დამატება გაჯეტების სახით და გამოკითხვის შექმნა "pag" ების გაკეთება,  "pag"-ების გაჯეტების გამოტანა და რედაქტირება.
სახელმძღვანელოდან შეფასების რუბრიკებს გავეცანით და მოსწავლის ნამუშევრის შეფასების რუბრიკების შექმნა დავიწყეთ.

• დავიწყეთ კოლეგების გუშინდელი ნამუშევრების "შეფასებით" - დაკომენტარებით,
• სახელმძღვანელოში გავეცანით მოსწავლეთა საჭიროებებზე მორგებულ აქტივობებს და ნიმუშებს,
• დავასრულეთ შეფასების რუბრიკები, გავიხსენეთ გარდნერი,
• შევქმენით მოსწავლის საჭიროების მხარდამჭერი დოკუმენტი,
• შევავსეთ დიფერენცირებული სწავლების გრაფები პროექტის გეგმაში,
• შევქმენით მოსწავლეებისთვის დამხმარე რესურსი,
• ვისწავლეთ ბლოგზე სხვადასხვა ობიექტების დამატება.